Lyngdalcup

Dette året var Lyngdalcup på programmet. Onsdag til søndag med masse kampar og mykje sosialt. Både Nora og Isak deltok. Eg og Lukas var støtteapparat og Thomas kom ned torsdag til fredag for å heie!

Isak vart dessverre skada fredagen og måtte sy kneet, men vart allikevel klar til siste kampen på lørdag.

Nora og jentene storspelte og kom heilt til finalen! Dessverre kom det sure tapet då, men ein knallturnering likevel.

Me budde ilag med dei andre familiane frå Bryne og det var difor mykje sosialt på kveldane. Lukas hadde heldigvis Bjørnar der, og dei hang ilag heile dagane (og nettene) Elles kunne det nok blitt litt mykje kampar og venting.

Søndagen gjekk turen heimover til kamp på Bryne stadion. Me rakk akkurat siste 15 min og Bryne vann endeleg!! 

Denne veka er besta og besten på besøk i Stavanger  og me skal nyte siste ferieveke:-)

Ny topp-Blåfjellenden!

Denne veka har me utforska Jæren. Mandag var på Orre og testa kiten til Isak. Flott vær, men nokså mykje vind. På kvelden vart eg og thomas invitert bort til Randolf og Heidi. Jannicke var på besøk også og det vart seint på natt før me kom oss heimover.

Tirsdagen var eg på fjelltur med Joveig og nokre venninner. Kjørte 1 time mot Sirdal og gjekk til Blåfjellenden. Fint vær, flott terreng,gode turkameratar og god niste.  Etter retur åt me middag på Byrkjedalstunet. Utruleg god mat- kjem garantert tilbake:-) Vel heime i ni tida, slokna eg på sofaen.

Onsdag var det vitengarden og Hå prestegard. Veldig kjekt å få utforska Jæren. Etterpå vart det trening og så kom eg heim til biffmiddag og vin. Kjekt å ha besøk av svigers!!

10 år!

Tenk i dag er det 10 år sidan eg gifta meg med Thomas. Tida går så altfor fort, men samtidig er det skjedd utruleg mykje desse åra. Eg har verdens beste familie og er så glad for at det vart oss to.

Me feira dagen i går med tur til Stavanger og middag der.  Flott vær og masse liv, hadde heilt glømt kor koseleg det er i byn.

I dag er det skikkeleg innevær, men eg har god bok og snacks i skapet så skal nok få dagen til å gå. I tillegg har eg time på Elixia seinare, så då får eg ta ut energien der.....

Ha ein fin dag!

Orrestrand og Topp 4

Denne helga har det vore sydenvær på Bryne og fredag var me på Orrestrand med Joveig og nokre venninner. Det var akkurat som i syden . Me er utruleg heldige som har desse strendene rett ved sida av oss.

Lørdag var det ranglerock og me fekk med oss barnekonsert med Casio kids. På ettermiddagen sykla eg , Thomas og Isak rundt Klepp stasjon og opp til Tinghaug. (Høgaste punktet på Bryne;:-))

I dag var me klare for fjerde toppen denne sommeren.  Me kjørte til Lye og gjekk opp til Varden,  som ligg 274m over havet ( høgt for å vere på Jæren:-))Kort tur men Flott utsikt på toppen. På veg ned gjekk me gjennom ein ny leikeplass og rakk ein internkamp i ballbingen.

No er me klare for finale! God søndag!!

Vestlandsferie

Dei to siste vekene har me vore heimover til Voss og Bergen.

Starta på hytta på Radøy. Nydeleg vær, fisking, padling, soling, trening og avslapning. Knallstart på ferien:-)
Isak var med Tromsølaget til Piteå på turnering. Dei hadde hatt ein flott tur og kom heilt til kvartfinale!!

Etterpå gjekk turen til Bergen og Fyllingsdalen før me reiste heim til Voss.

Etter nokre dagar på Voss , for me til fjells med alliansegjengen. Siri hadde lånt hytta på Hodnaberg og me storkoste oss med turar, fisking, bading og masse god mat.
Alltid like kjekt når me møtest og me gleder oss allerede til neste tur:-)

No er me tilbake på Bryne og ser fram til varme dagar på strendene og avslapning før me skal på Lyngdalcup.

Cup og dyrepark

Denne helga var det Sør cup og Nora er med på 7ar laget til Bryne.  Dei har spelt veldig bra og er klare for finale i morgon etter å ha slått ut Vaksdal i dag:-)

Eg , Thomas og gutane drog til Kristiansand lørdag for å få med oss ein kamp. Knallvær og masse kjentfolk frå Voss i Kristiansand. Nora og jentene vann kampen og kvelden vart avslutta i sentrum med god mat i flott sommarvær.

Søndag var me i dyreparken heile dagen. Utruleg flott park med masse aktivitetar for heile familien. Lukas fekk seg eit bit frå ein ekornape , men ellers ein super dag i strålande sol.

I dag vart det sein start og god treningsøkt før eg no har lagt meg på terassen for å fylle inn skuleruta i planleggeren(viktig å vere på forskudd når ein kan)
Isak reiser nordover til Tromsø i morgon for å vere med på Piteåcup,  så då bør eg vel gjerne starte pakkinga?

Ha ein flott start på ferien/avspaseringa!
Klem